Австралияда 70 жаштагы кемпир мектепке бара баштады

© Sputnik / Валерий Мельников / Медиабанкка өтүүОткрытие ярмарки интеллектуальной литературы Non/Fiction №14
Открытие ярмарки интеллектуальной литературы Non/Fiction №14 - Sputnik Кыргызстан
Жазылуу
Улгайган аял кичине кезинде үй-бүлөлүк шартка байланыштуу мектепти таштоого аргасыз болгон. Эми мүмкүнчүлүктү колдон чыгарбай, мектепти аяктагандан кийин университетке тапшырууга ниеттенип турат.

БИШКЕК, 1-ноя.— Sputnik. Мельбурн шаарынын 70 жаштагы тургуну Жоан Оливер мектепке барууну чечип, 12-класска көчүү үчүн экзамендерге даярдана баштады. Бул тууралуу британиялык The Daily Mail басылмасы жазып чыкты. 

Маалыматка ылайык, өткөн кылымдын 50-жылдары 13 жашында мектепти таштоого аргасыз болгон.

"Апам "кыздар билим алып кыйратпайт" деп ишке орноштуруп койгон. Ошондон баштап мектепте окуу кыялым эле", — деди Оливер.

Анын айтымында, азыркы жашоо көп нерсеси менен айырмаланып турат. Баарынан да пенсионер аял жаштардын күнүмдүк тилине көнө албай кыйналганын айтты.

Бүгүнкү күндө аял мектепке баруу чечимине эч өкүнбөй турганын кошумчалады.

Жаңылыктар түрмөгү
0