БИШКЕК, 27-окт. — Sputnik. WhatsApp уюлдук мессенджери Adroid колдонуучуларынын чектелген чөйрөсүндө видео чалууну сынай баштады. Бул тууралуу Android Police интернет-порталына шилтеме кылып The Daily Mail британ басылмасы маалымдады.
WhatsApp now supports video call! https://t.co/Zm8snfxP93 pic.twitter.com/PXaAjXcBpg
— LiteFM Malaysia (@LiteFM_Malaysia) 25 октября 2016 г.
Басылма белгилегендей, WhatsApp аркылуу чалууну каалаган колдонуучулар үн жана видео чалуу деген эки тандоону көрүшөт. Ошол эле учурда камера аркылуу баарлашуу үчүн чалууну кабыл алып жаткан тараптын дагы ушул версиясы болушу шарт.
Skype функцияларына окшогон жаңы кеңейтүү WhatsApp тиркемесинин акыркы бета-версиясында (2.16.318) иштейт, айрымдарында бул кызмат жаңылоо орнотулбаса деле жеткиликтүү. Азырынча кеңири жеткиликтүү боло турган учур айтыла элек.
Тиркеменин иштеп чыгуучулары жакында эле видеого жана фотого жазганга жана тартканга мүмкүн боло турган камеранын мүмкүнчүлүгүнүн кеңейиши менен тааныштырган.
