БИШКЕК, 24-авг. — Sputnik. Италиядагы жер титирөөдөн улам Аматриче шаары кыйроого учурап, эл уранды алдында калганын шаар мэри Серджио Пироцциге шилтеме берип Рейтер агенттиги жарыялаганын РИА Новости жазып чыкты.
Буга чейин EMSC сейсмологиялык борбору магнитудасы 6,1ге жеткен силкинүү Италиянын борбордук бөлүгүндө катталганын билдирген. Ал эми АКШнын Геологиялык кызматынын берген маалыматына караганда жер титирөөнүн магнитудасы 6,2ге жеткен. Кырсыктан каза тапкандар тууралуу маалымат азырынча жок.
"Шаарга кирүүчү жолдор жабылды. Эл уранды алдында калды. Шаардын жарымы көздөн кайым болду. Жер көчкү жүрүп, көпүрө талкаланып калышы ыктымал", — деп билдирген Пироцци.
Буга чейин агенттик Италиянын премьер-министринин маалымат катчысы Маттео Ренциге шилтеме берүү менен Италиянын өкмөтү Жарандык коопсуздук агенттиги менен байланышта болуп тургандыгын жазып чыккан.
