БИШКЕК, 18-авг. — Sputnik. Түркиянын чыгышындагы Элазык шаарындагы жардыруудан каза болгондордун саны алты кишиге жетип, жарадарлар 170ке чамалап барды. Бул туурасында РИА Новости Рейтер агенттигине шилтеме кылып кабарлады.
Буга чейин жардыруу Ван аймагында болгону айтылып, алгач үч, андан кийин алты адам каза таап, 146га жакын жарандын жарадар болгондугу айтылган. Жергиликтүү жашоочулар терактыны ишмердүүлүгү Түркияда тыюу салынган Күрдстандын жумушчулар партиясы жасады деп шектенип жаткандыгын белгилешкен.
Жарылуу полициянын бөлүмүндө, кызматкерлер ишке жаңы келе баштаганда ичине жарылгыч толтурулган автоунаанын жардамы менен жасалган.
Анткен менен жардыруу боюнча жоопкерчиликти бир да уюм мойнуна ала элек.
