БИШКЕК, 10-авг. — Sputnik. Россиянын Челябинск облусунун тургуну Галия Исекеева бош калган чиркөөнү сатып алып, аны жергиликтүү проваславдарга тартуу кылганын РИА Новости билдирди.
Маалыматка ылайык, Исекеева Троицский районундагы чиркөөнү сатып алган. Ал 1895-жылы Николай II буйругу менен курулган. 1917-жылдагы революцияда тонолуп, чарбалык кампа катары колдонулган. Кийин ал ашкана катары 1980-жылга чейин иштеген. Учурда бул имарат Челябинск облусунун маданий мурасы катары каттоого алынган.
"Жергиликтүү тургун мусулман Галия Исекеева урайын деп калган имаратты сатып алып, дүкөн кылууну көздөгөн. Бирок чиркөөнүн тарыхын билгенден кийин аны епархияга белек кылган. Менин чоң-чоң энем революция жылдары бул чиркөөдө староста болуп иштеген. Бул жерде ошол убактагы чиркөө кызматкери өлтүрүлүп, жерге берилген экен. Өткөн жумада жергиликтүү тургундар чиркөөнү калыбына келтирүү иштерин башташты. Алдыдагы эки жума ичинде бул жерде биринчи сыйынуулар болот", — деп айтылат маалыматта.
Чиркөө Черноречье айылында жайгашкан. Жакынкы айылдарда сыйынуучу жайлар жок.
