БИШКЕК, 24-июл. — Sputnik. Окумуштуулар эмне үчүн Америкалыктардын тамактарга ысырап мамиле кыла тургандыгын аныкташты. Бул тууралуу РИА Новости PLoS One журналына таянуу менен жазып чыкты.
Изилдөөлөргө ылайык, АКШда жашагандардын жарымы гана тамактарды убал кылып жатканын моюнга алса, үчтөн бири бул кадам туура деген пикирде. Сурамжылоого 2,5 миң жаран катышкан.
"Бул маселени чечүү үчүн биринчи кезекте тамактарды ысырапка учуратуу жосунсуз жорук экенин адамдарга түшүндүрүү керек", — дейт Огайо университетинин профессору Даньи Ци.
Окумуштуулары маселени чечүү үчүн тамактарда көрсөтүлүүчү даталарды алып коюну сунуштайт. Алардын пикиринде, көпчүлүк эл тамактарды колдонуу мөөнөтү бүтө электе эле ыргыта беришет.
Окумуштуулардын эсептөөсүндө, америкалыктар бир жыл ичинде 36 миллион тонна азык-түлүктү таштандыга төгүшөт.
