БИШКЕК, 17-июл. — Sputnik. Армениянын Улуттук коопсуздук кызматы полициянын кайгуул-күзөт кызматына кол салуу болгонун маалымдаганын РИА Новости билдирди.
"17-июлда Ереванда эртең менен Армения полициясынын кайгуул-күзөт кызматына кол салуу болду. Айрым кишилер туткунга алынды", — деп айтылат маалыматта.
Улуттук коопсуздук кызматы социалдык тармактар аркылуу көтөрүлүш башталып, имараттар басып алынып жатканы боюнча жалган маалымат таратууга аракеттер болгонун билдирди.
Куралчан топ менен сүйлөшүүлөр жүрүүдө, аларды багынып берүүгө чакыруу иштери жасалып жатат. Мыйзамга каршы келген бардык аракеттердин алды алынат деп айтылат маалыматта.
Белгилей кетсек, куралчан топ карабах кабалаңынын катышуучусу катары камакка алынган "Жаңы Армения" коомдук куткаруу оппозициялык фронтунун лидери Жирайр Сефилянды бошотууну талап кылышууда.
