БИШКЕК, 3-июл. — Sputnik. Ирактын борборундагы кош-кош болгон жарылуудан 24 киши өмүрү менен кош айтышты. Бул тууралуу кабарды РИА Новости Sky News Arabia телеканалына таянып таратты.
Ал эми 60ка чукул киши ар кыл жаракаттарды алды.
Биринчи теракт мусулман шииттер чогулган диний борборго жакын жерде жасалган. Имараттан алыс жайга токтотулган миналанган автоунаалар жарылып, 18 киши өлүп, 45ке чукулу жарадар болгон.
Бир аз убакыт өтпөй Багдаддын түндүк тарабындагы Аш-Шааб базарындагы жарылуу алты кишинин өмүрүн алып, 12 адамды жарадар кылды.
Бул трагедиянын жоопкерчилигин өлкөдөгү террордук уюмдардын бири да мойнуна ала элек.
