Каирди көздөй учуп бара жаткан учак радардан жоголду

© Sputnik / Максим Блинов / Медиабанкка өтүүУчак. Архив
Учак. Архив - Sputnik Кыргызстан
Жазылуу
Учакта 58 жүргүнчү, экипаждын 10 мүчөсү болгон.

БИШКЕК, 19-май — Sputnik. Egyptair авиакомпаниясынын Парижден Каирди көздөй учуп бара жаткан MS804 рейстеги учагы радардан жоголду. Бул тууралуу РИА Новости "Йоум7" Египет порталына таянуу менен жазып чыкты. 

Аэропортко конуп жаткан учак. Архив - Sputnik Кыргызстан
"Эйр Астана" учагында ызы-чуу салган кыргыз кыз 45 күнгө камакка алынышы мүмкүн
Учакта 58 жүргүнчү жана экипаждын 10 мүчөсү болгон. Учак Шарль-де-Голдон Париж убактысы боюнча 23:09да учуп кеткен. Борт Грециянын аба аймагына киргенден 20 мүнөттөн соң радардан жоголгон. Азырынча издөөдөн майнап боло элек.

Учурда EgyptAir авиа компаниясы тарабынан атайын штаб түзүлүп, абалды тыкыр көзөмөлгө алышты. 

Эскерте кетсек, үстүбүздөгү жылдын 29-март күнү EgyptAir авиа компаниясынын Александриядан Каирге бара жаткан Airbus A320-232 учагы барымтага алынып, Кипрдеги Ларнаки аралына конууга мажбур болгон. Кийинчерээк учакты барымтага алган Сейф ад-Дина Мустафа кармалып, Египеттеги камалып жаткан аялдарды бошотууну талап кылган.

Жаңылыктар түрмөгү
0