Бразилия депутаттары президентине импичмент жарыялоо демилгеси менен чыкты

© Фотохост-агентство / Медиабанкка өтүүБразилиянын президенти Дилма Роуссефф. Архив
Бразилиянын президенти Дилма Роуссефф. Архив - Sputnik Кыргызстан
Жазылуу
Президент айымдын импичмент боюнча тагдыры эми Бразилиянын жогорку паталасы — сенаттын колунда турат. Бул үчүн эл өкүлдөрүнүн 54үнүн макулдугу керек.

БИШКЕК, 18-апр. — Sputnik. Бразилиянын төмөнкү палатасынын депутаттарынын үчтөн экиси жекшемби күнү өлкөнүн президенти Дилме Роуссефф айымга импичмент жарыялоо үчүн добуш берди. Бул туурасында РИА Новости Globo каналынын маалыматына таянып билдирди.

Ал арада Бразилиянын президентинин администрация жетекчиси Жак Вагнер конгресчилердин бул демилгесин сенаторлор колдобойт деп ишеним артып турганын айтты.

Мамлекет башчысы Роуссефф айымды кызматынан кетирүүгө ал президенттик шайлоодо мамлекеттик каражатты колдонду жана салык боюнча мыйзам бузууларга тиешеси бар деп айтылган маалыматтар себеп болгон. Депутаттар ага импичмент жарыялап жана жогоруда айтылган фактыларды изилдөөнү демилгелеп жатат.

Алмазбек Атамбаев мураскери кантип тандаларын айтты
Президенттин тагдыры эми Бразилиянын жогорку паталасы — сенаттын колунда турат. Берки депутаттар импичмент маселесин көтөрүп, добушун берди, кезекте — атайын комиссиянын иши жана анын жыйынтыгы боюнча сенаторлордун добуш берүүсү.

Президентти 180 күнгө чейин иштен четтетүү үчүн сенаттын жок дегенде 41 добушу зарыл. Ал эми толук импечмент үчүн Жогорку Соттун жетекчилиги алдында атайын отурум болуп, 54 сенатор "макулмун" деп добуш бериши керек. Андай болгон күндө азыркы премьер-министр Мишел Темер 2018-жылга, кезектеги президенттик шайлоого чейин мамлекетти башкарып турат.

Globo каналы конгресстин жыйынын түз алып берди. Талкуу учурунда оппозиция депутаттары ар бир эл өкүлү сүйлөп жатканда кыйкырып, ышкырып, кол чаап, ал тургай ырдап жиберип жатканын көрүүгө болот эле.

Импичмент жарыялоого 513 конгрессчинин 342си макул деп добуш бергенде оппозициячылар кол чаап, ырдап, ал тургай ордунан секирип жиберишти.

Жаңылыктар түрмөгү
0