Пальмирада Сирия армиясы менен согушкерлер атышып жатат

© Sputnik / Михаил Воскресенский / Медиабанкка өтүүСирия армиясы. Архив
Сирия армиясы. Архив - Sputnik Кыргызстан
Жазылуу
Жоокерлер сепилде желбиреп турган ИМдин кара желегин сыйрып өрттөп салышты. Азырынча Сириянын байрагын орнотууга атышуудан улам мүмкүн болбой жатат.

БИШКЕК, 26-мар. — Sputnik. Сирия армиясы "Ислам мамлекети" террористтик тобу басып алган Пальмира шаарын бошотуу үчүн аракеттерин жандантып, сепилге орнотулган желегин сыйрып алды. 

Азырынча террорчулардын аткылоосунан улам Сириянын желегин орнотуу мүмкүн болбой жатат.

Уюмдун мүчөлөрү сепилди танк, миномет жана зениттик түзүлүштөрдөн аткылоодо. Учурда атышуу Пальмиранын дээрлик бардык аймагында жүрүп жатат. Армиянын чабуулуна согушкерлер аскер аэродромунан анча алыс эмес жерден жооп кайтарышууда. 

"Ислам мамлекетинин" согушкерлери былтыр июнь айынын соңунда ЮНЕСКОнун коргоосунда турган Пальмира шаарындагы тарыхый эстеликтер менен урандыларга мина койгон. Андан сырткары, шаардын байыркы ыйык жайларынын бири — Бэла храмын талкалаган. 

Буга карата ЮНЕСКО араб өлкөлөрүндө согуш аракеттеринен кыйроого учураган байыркы эстеликтерди калыбына келтирүү боюнча эл аралык иш-чараларга катыша турган атайын "жооп кайтаруу күчтөрүн" түзгөн. БУУнун Коопсуздук кеңеши 2015-жылдын 12-февралында РФтин демилгеси менен 2199-резолюцияны кабыл алган. Анда терроризмди каржылоо үчүн байыркы буюмдар менен маданий байлыктары сатууга карата тыюу күчөтүлгөн.

Жаңылыктар түрмөгү
0