"Гезиттен колуңду тарт" деп каршылык акциясына чыккандарды полиция зомбулук менен таратты.
БИШКЕК, 5-мар. — Sputnik. Түрк полициясы 4-март күнү кеч курун Zaman гезитинин редакциясына күч колдонуп кирип, имараттын алдына чогулган эл жаш агызуучу газ жана суу менен атып таратылганын Sputnik Türkiye маалымдады.
Белгилей кетсек, буга чйин Стамбулдун соту Zaman гезитин башкаруу үчүн камкорчуларды дайындаган болчу. Журналисттер мындай кадам гезиттин жабылуусуна алып келе турганын айтышууда.
Белгилей кетсек, буга чйин Стамбулдун соту Zaman гезитин башкаруу үчүн камкорчуларды дайындаган болчу.
Полициянын колдонгон жаш агызуучу газынан оппозициялык бир нече депутат жана журналисттер жабыркаган. Редакциянын башы редактору Абдулхамит Билижи бул күн Түркиянын тарыхында кара так катары каларын айтты.
Zaman гезити жума күнү тараткан расмий билдирүүсүндө "өз макалаларын эркин жазып, оюн эркин айткандарга басым жасоо үчүн акыркы аракеттер көрүлүп жатат" деп айтылат. Алардын журналисттери редакцияга эмес, сотко тез-тезден каттап калганы жазылат. Буга чейин айыпталган журналисттердин дээрлик бардыгы камакка алынган.
Бүгүн эртең менен жумушка келген кызматкерлер полиция тарабынан дыкат текшерилгенден кийин гана имаратка киргизилип жатканы гезиттин расмий сайтында маалымдалды.
Түркиядагы саясый басымдан улам Zaman гезити өлкөдө калган оппозициялык гезиттердин бири болуп саналат. Буга чейин Bugün TV жана Kanaltürk телеканалдарынын сыртынан да камкорчулар дайындалып, кийин банкрот болду деген негизде жабылган.
Zaman гезитинин өкүлчүлүгү Кыргызстанда дагы бар. Ал кыргыз тилинде жумасына бир жолу чыгат.
