УКМК: Россияга жихад жарыялаган кыргызстандыктын ким экени такталууда

Жазылуу
Интернетте Борбор Азия, Африка жана Араб өлкөлөрүнүн жарандарыбыз деп тааныштырган кишилердин Россияга жихад жарыялаганы тууралуу видео тарады.

БИШКЕК, 28-окт. — Sputnik. Өзүн Кыргызстандын жаранымын деп тааныштырган бала башка кишилер менен чогуу Россиянын Сириядагы аракеттерине карата жихад жарыялаганы боюнча видео интернетте тарады.

Кыргызстандын Улуттук коопсуздук боюнча мамлекеттик комитети (УКМК) учурда бул тасманы текшерип, анын качан, кайда тартылганын жана Кыргызстандын жаранымын деген баланын ким экенин тактоо аракеттери жүрүп жатканын маалымат катчы Рахат Сулайманов билдирди.

"Азыр биз баланын ким экенин, кайсы жакта жүргөнүн тактоо боюнча бардык аракеттерди көрүп жатабыз", — деди ал.

Россия Дамасктын өтүнүчү менен Сирияга аскер авиациясын жөнөттү
Аталган видео интернетке 14-октябрда жүктөлгөн. Видеокайрылууда ондон ашык киши Россиянын Сириядагы аракеттерин сындап, орустарды өлүм менен коркуткан. Алардын катарында өздөрүн Египеттин, Кыргызстандын, Россиянын Өзбекстандын, Тажикстандын, Түркиянын, Африканын жана Араб өлкөлөрүнүн жарандарыбыз деп тааныштыргандар бар.

Сириянын президенти Башар Асад Россиядан терроризм менен күрөшүү үчүн Аскердик аба күчтөрүн жөнөтүү суранычы менен кайрылгандыктан аскердик авиациясын жөнөткөн болчу.

Жаңылыктар түрмөгү
0