БИШКЕК, 30-сен. — Sputnik. Сенаторлор россиялык аскердик күчтөрдү чет жактарга колдонууга уруксат берүү чечимин бир добуштан колдошту. Бүгүн Россиянын башчысы Владимир Путин бул боюнча уруксат берүү өтүнүчү менен РФтин Федерациялык кенешине кайрылган.
Ал арада Сирия президенти Башар Асад Россияга аскердик жактан жардам көрсөтүү боюнча кайрылды. Бул туурасында Сергей Иванов журналисттерге билдирди.
"Сирия президенти Башар Асад биздин өлкөнүн жетекчилигине аскердик жардам көрсөтүү өтүнүчү менен жардам сурап кайрылды. Терроризм менен, албетте, күрөшүү керектигин, күрөштү күчтөрдү бириктирип жүргүзүүнү, аны менен кошо эл аралык эрежелерди сактоо зарылдыгын айта кетмекчимин", — деди ал журналисттерге.
Буга чейин Путин БУУда терроризмге каршы күрөш Сириянын өзүндөгү саясий процесстер менен катар жүргүзүлүшү керектигин, бирок россиялык аскерлердин кургактыктан жасала турган операцияларда катышпай тургандыгын айткан.
