Жохар Царнаев өлүм жазасына өкүм кылынды

Жазылуу
2013-жылы Бостон шаарында терракт жасаган деп айыпталган Жохар Царнаев сот арачыларынын чечими менен өлүм жазасына өкүм кылынды.

БИШКЕК, 16-май — Sputnik. Жума күнү сот арачылары 2013-жылы Бостондо терракт жасаган деп айыпталып жаткан Жохар Царнаевди өлүм жазасына тартуу боюнча чечим кабыл алды.

Сот арачылары Царнаевге карата өлүм жазасын чыгарышы дүйнөгө "чынчылдык менен адилеттүүлүктү" көрсөттү деп эсептейт мамлекеттик айыптоочу Кармен Ортиз.

"Силердин ишиңер дүйнөгө сот арачыларынын чынчылдыгын жана акыйкаттыгын көрсөттү", — деди Ортиз. 

Жохар Царнаев 2013-жылы апрель айында болгон Бостон марафону учурунда терракт жасаган деп айыпталган. Террактын кесепетинен үч киши каза болуп, 260 киши түрдүү жаракаттарды алган. Сот арачылары Царнаевди өлүм жазасына кесүү менен аны полиция кызматкерин өлтүргөн деп да тапты.

Бостондо эмне болгон

Өлүм жазасы колдонулушу мүмкүн болгон Царнаевге каршы сот процесси АКШда башталып жатат
2013-жылы 15-апрелде Бостон марафону учурунда эки жардыруу болгон. Террактын кесепетинен үч киши каза болуп, 260 киши жаракат алышкан. Бир канча күн өткөндөн кийин терракт уюштурду деп шектелип жаткан Тамерлан Царнаев полиция кызматкерлери менен болгон атышууда каза болгон. Жохар Царнаев жашынып калганга жетишкен, бирок кийин ал кармалган. Терракт жасоодон тышкары Жохар Царнаев полицияны өлтүргөн деп табылды.

Царнаевдердин үй-бүлөсү Чүй облусунун Токмок шаарында жашап кеткен. Кийин Дагестанга кетишкен. Ал жактан 1999-жылы болгон чечен согушунда Америкага көчүшкөн. Жохар Царнаев 2012-жылы Америанын жарандыгын алган.

Жаңылыктар түрмөгү
0