18:41 10 Бештин айы 2016
Түз эфир
Браслет участника бостонского марафона

Царнаевдин досу, айыпталуучу Матанов жаңы жактоочу сурады

© Sputnik / Семен Нехорошкин
Дүйнөдө
Кыскача шилтеме алуу
15 0 0

Массачусетс штатынын прокуратурасы Матанов теракт уюштурууга айыпталуучулар, бир тууган Жохар жана Тамерлан Царнаевдер менен тааныш болгондугун ырастады. Прокуратура Матанов тергөөчүлөрүн көзүнө түшөөрүн билгендиктен, тергөө иштерине тоскоолдук кылууга бир катар чараларды көргөн деген ишенимде.

БИШКЕК, 20-ноя — Sputnik. Кыргызстандын жараны, өткөн жылдын апрелинде Бостондо болгон теракт боюнча тергөөгө тоскоол кылган деп күнөөлөнгөн Хайрулложон Матанов өзүнө жаңы юристтин берилишин талап кылууда. Бул туурасында РИА Новости жазды.

Массачусетс штатынын прокуратурасы ырастагандай, Матанов теракт уюштурууга күнөөлөнүп жаткан бир тууган Жохар жана Тамерлан Царнаевдер менен тааныш болгон, ал турсун, кырсык болгон күнү аларды кечки тамакка чакырган. Прокуратура Матанов тергөөчүлөрүн көзүнө түшөөрүн билгендиктен, тергөө иштерине тоскоолдук кылууга бир катар чараларды көргөн деген ишенимде. 

Анын жактоочусу Эдвард Хайден (Edward Hayden) билдиргендей, Матанов андан сотто өзүнүн кызыкчылыгын коргоодон баш тартууну сураган. Матановдун иши боюнча федералдык сотто угуу бейшемби күнгө белгиленген деп билдирет Ассошиэйтед Пресс агенттиги. Отурумдун жүрүшүндө күнөөлөнүүчүнүн сурап кайрылуусу каралабы, такталган эмес. 

Июндун башында Бостондун федералдык сотунун угуулары учурунда Матанов айыптоонун бардык пункту боюнча күнөөсүн моюнга алган эмес. Прокуратура Матановду терактты териштирүүгө тиешелүү болушу мүмкүн болгон маалыматты жок кылып, бурмалап жана жасалмаладыгы үчүн, андан сырткары террористтик актты иликтеп жатканда федералдык тергөө учурунда үч жолу жалган билдирүүлөр менен чыгып сүйлөгөндүк үчүн күнөөлөп жатат. Сот мурдатан Матановду кепилдик акы төлөө менен бошотуудан баш тарткан. 

Теракт Бостондо 2013-жылдын 15-апрелинде марафон учурунда болгон. Эки жардыруунун кесепетинен үч адам каза болуп, 260тан ашуун адам жаракат алган. Терактка тиешеси бар деп бир тууган Царнаевдер шектелүүдө. Улуусу— Тамерлан — полиция менен атышуу учурунда каза болгон. Жохар атайын операция учурунда кармалып, ага 30 пункт боюнча күнөө коюлган, алардын 17си боюнча эң жогорку жаза — өлүм жазасы эсептелет. Царнаевден сырткары, теракт боюнча иштин дагы төрт фигуранты бар, анын 3 досу, Казакстандын жарандары Азамат Тажаяков менен Диас Кадырбаев жана америкалык Роберт Филиппос.

Белгилер:
Жохар Царнаев, Тамерлан Царнаев, Хайрулложон Матанов, Бостон, Сот, АКШ

ЭҢ МААНИЛҮҮ