19-декабрь күнү Кыргызстандын башкы балатысы жанып, жомок каармандары шаардыктарды январдын ортосуна чейин кубандырып турмакчы.
Sputnik Кыргызстан салтанаттуу иш-чараны даярдоо учурунда болгон кызыктуу фактыларды таап чыкты.
"Ала-Тоо" аянтын жаңы жылдык мааракеге карата кооздоо иштерин аткарууга "Тазалык" менен "Бишкекжарык" ишканаларынын 40 кызматкери тартылган.
Кыргызстандын башкы балатысына улуттук стилдеги 77 жасалга илинген. Мындан тышкары, 60 жылдызча жана 50 кар бүртүкчөлөрү менен кооздолгон.
Балатыдагы оюнчуктардын жалпы саны 1200дү түздү.
Ошондой эле 260 гирлянда илинди. Анын узундугу 2,5 чакырымга жетет.
"Ала-Тоо" аянтынын бет маңдайында диаметри эки метрлик 12 шар, алты бугу, Аяз ата жана Кар киши коюлду.
Жаңы жылдык маанайды жаратуу үчүн мэрия 13 миллион сом сарптады. Бул кооздук январь айынын ортосуна чейин көз кубандырып турат.
