Калааны каптаган кара түтүн, өрттөнгөн кампа — Бишкектеги өрт

Жазылуу
Бишкектин батыш тарабында, Садыгалиев көчөсүндөгү кампа өрттөнүп жатат.

Кырсык болгон жерге алты өрт өчүрүүчү унаа тартылды. Өрт тууралуу билдирүү саат 13.03тө түшкөн. 

Сотрудники МЧС на месте пожара на западе Бишкека - Sputnik Кыргызстан
Тез жардам: өрттөн жабыркагандар тууралуу маалымат түшкөн жок
Бишкектин Тез жардам кызматы жабыркагандар тууралуу маалымат болбогонун айтып, учурда аталган аймакта күзөттө турат. 

Ал эми окуяга күбө болгондор унаа майлары же пенопласт өндүргөн цех күйүп жатканын айтышкан.

Учурда кырсык болгон жерде өзгөчө кырдаалдар министринин милдетин аткаруучу Кубатбек Боронов жүрөт. Анын айтымында, унаа майлары сакталган кампанын болжол менен 3000 чарчы метри күйүп жатат. ӨКМ башчысы аймакта жыш жайгашкан имараттардан улам өрт өчүрүүчү унаалар жалын каптаган болгон жерге жакын бара албай жатканын белгилеп, кырсык өрт коопсуздук сактабагандыктан келип чыкканын айтты.

Боронов кырсыктан жапа чеккендер жок экенин кошумчалады.

Ушу тапта аталган аймакта куткаруучулар менен бирге милиция кызматкерлери да иштеп жатышат.

Жаңылыктар түрмөгү
0