Жыйында ЕАЭБге жана КМШга мүчө мамлекеттердин кызматташуусунун маселелери каралат.
Иш сапардын алкагында Жээнбеков КМШнын Аткаруу комитетинин катчысы Сергей Лебедев менен жолугуп, Кыргызстандын төрагалыгы алдында өтө турчу КМШ мамлекеттеринин өкмөт башчыларынын жыйынынын күн тартибин талкуулады.
Андан кийин Жээнбеков Евразиялык өкмөттөр аралык кеңешинин тар чөйрөдөгү жолугушуусуна катышты. Ал кеңири курамда дагы уланат.
Ошондой эле, бул сапардын алкагында КР өкмөт башчысынын милдетин аткаруучу Жээнбековдун эки тараптуу жолугушуулары пландалган.
Кыргызстандан барган делегациянын курамында вице-премьер-министрдин милдетин аткаруучу Олег Панкратов, Транспорт жана жолдор министринин милдетин аткаруучу Замирбек Айдаров, Мамлекеттик бажы кызматынын милдетин аткаруучу Азамат Сулайманов жана башкалар бар.
