КМШ өлкө башчылары үчүн "тигилген боз үй". "Ала-Арча" резиденциясынан алынган кадрлар

Жазылуу
Кыргызстанда 16-сентябрь күнү КМШ мамлекет башчыларынын жыйыны өтөт. Бишкекке Армения, Азербайжан, Белоруссия, Казакстан, Россия жана Тажикстандын президенттери келет.

КМШ президенттерин тосуу үчүн даярдалан конок үй - Sputnik Кыргызстан
Бийлик КМШ президенттери кайда жайгашарын көрсөттү
Жогорку даражалуу меймандарды тосуу үчүн "Ала-Арча" мамелкеттик резиденциясында конок үйү салынды. Анын курулушу февраль айында башталып, 20-августка соңуна чыккан. Имарат сыртынан боз үйдүн элесин берип турат. 

Президенттин иш башкармалыгынын жетекчиси Туруспек Коеналиев журналисттер үчүн атайын экскурсия өткөрүп, саммиттин алкагында делегация башчылары коноктоло турган жайларды көрсөттү. Эки кабат имараттын жалпы аянты 1,5 миң чарчы метр. 

"Бул жерде төрт иштөө бөлмөсү бар. Андан сырткары, ашкана, башкаруу борбору, кийим коюучу жай бар. Бул конок үй атактуу мейманканалардагы президенттик люкс номерлерден кем калышпайт", — деди ал. 

Президенттин аппаратынын тышкы саясат бөлүмүнүн башчысы Сапар Исаков. Архив - Sputnik Кыргызстан
Сапар Исаков: саммиттен кийин КМШ делегация башчыларын сюрприз күтүп турат
Коеналиев президенттердин табитин эске алуу менен меню даярдалганын, алардын катарында сыра да бар экенин кошумчалады.

Саммитке Армения, Азербайжан, Белоруссия, Казакстан, Россия жана Тажикстандын өлкө башчылары келерин тастыктаган. Түркмөнстандын атынан өкмөт башчынын орун басары келмей болду. Ал эми Молдованын премьер-министри жана Украинанын элчиси келсе, Өзбекстандын атынан өлкөнүн тышкы иштер министри катышат.

Жаңылыктар түрмөгү
0