Сүрөөн жана чет элдик ырчылар. Ысык-Көлдө Дүйнөлүк көчмөндөр оюндары жыйынтыкталды

Жазылуу
II Дүйнөлүк көчмөндөр оюндары 62 мамлекеттен келген спортчулардын катышуусунда 3-8-сентябрь аралыгында көгүлтүр Ысык-Көлдүн жээгинде өттү.

ДКО-2016нын программасына улуттук спорттун 26 түрү кирген.

Көчмөндөр оюнунун ачылыш аземи. Архив - Sputnik Кыргызстан
Чет элдик ЖМКлар Көчмөндөр оюну тууралуу
Иш-чаранын жабылышында 80-жылдарда жылдызы жанган франциялык Ottawan тобу, "А'Студио" тобунун мурунку солисти Полина Гриффис, легендарлуу "Город 312" жана Казакстандын "Аюми" топтору, Turkvizyon-2013 сынагынын жеңүүчүсү азербайжандык Фарид Хасанов, Turkvizyon-2014 сынагынын финалисти түркиялык Килич Фунда өз өнөрүн тартуулашты. Мындан сырткары жергиликтүү жылдыздар да элдин маанайын көтөрдү.

Ошондой эле, Атай Өмүрзаков баштаган бийчилердин бийлери келген конокторду жана тургундарды кайдыгер калтырган жок.

Оюндун жабылуу аземинде премьер-министр Сооронбай Жээнбеков сөз сүйлөдү.

"Көчмөндөр оюндары буюрса кулачын кеңири жайып, ири иш-чарага айланат. Анын Ысык-Көлдө дагы башталышы жакшы жышаан берет", — деди Жээнбеков.

Ал андан сырткары Көчмөндөр оюндары ата-бабанын басып өткөн жолуна таазим гана эмес, аларды унутта калтырбай улантуу дагы болуп саналарын баса белгиледи.

"Урматтуу мекендештер кең пейил эилибизде тынчтык болсун. Экинчи дүйнөлүк көчмөндөр оюндарын жабык деп жарыялайм",— деди өкмөт башчысы.

Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү болуп саналат.

Жаңылыктар түрмөгү
0