Үстүбүздөгү жылдын 10-март күнү Ысык-Көл облусунун Ак-Суу районундагы Жыргалаң суусунун жанынан жергиликтүү тургун Эрмек Кулетов айылдаштары менен мамонтко окшош жандыктын баш сөөгүн табышкан.
Кулетовдун айтымында, сөөк тереңде жайгашкандыктан казууну токтотуп коюшкан. Учурда анын айрым бөлүгү упурап баратканы айтылууда. Жергиликтүү жашоочулардын айрымдары келип сөөктөн сындырып кетип жатышканын айыл тургуну Рыскул Шынгыбаев айтып берди. Ал мындай баалуу нерселерге туура мамиле жасоону үйрөнүү керектигин кошумчалады.
Баалуу табылга учурда өкмөттүн Ысык-Көлдөгү өкүлү Аскат Акибаевдин жеке көзөмөлүнө алынып, кечээтен бери бул аймак курчоого алынды. Сөөктү милиция кызматкерлери кайтарып турат.
Ал эми сөөктү таап, казган тургундарды облус башчысы акчалай сыйлык тапшыра турганын белгилеген.
