Дүйнөлүк опера өкүлдөрү бейшемби күнү Абдылас Малдыбаев атындагы опера жана балет театрында концерт беришти. "Опералык классиканын шедеврлери" деп аталган кечеде Асанкан Жумакматов атындагы Мамлекеттик академиялык симфониялык оркестрдин коштоосу менен Джузеппе Верди, Джакомо Пуччини, Жорж Бизе, Пьетро Масканьи жана Джоаккино Россининин чыгармалары жаңырды.
Чет элдик коноктордон тышкары концертке тенор Саян Исин, сопрано Заира Раимбекова жана көркөм жетекчи, башкы дирижер Рахатбек Осмоналиев катышты.
