Аны эл арасында "мык чайнар " деп да атап коюшат. Себеби, тиши менен мык чайнап, чачы менен жүк ташуучу унааны ордунан сүйрөп жылдырып көпчүлүктүн көңүл борборуна айланууда.
Эми ал кыргыздын атактуу балбандарынын бири Каба уулу Кожомкул сыңары эл оозунда айтылып кала турган иш жасоо планында.
"Улуу Жеңиштин 71 жылдыгына карата 9-майда Сулайман —Тоого ат көтөрүп чыксам дейм. Азыр күн сайын машыгып жатам",— деди ал.
Бул үчүн азыртадан тай сатып алып, аны көтөрүп, машыгуунун үстүндө. Андан сырткары жаш балбандын чачына жип байлап алып поезд сүйрөйм деген ойлору бар. Сапарали буга да дыкаттык менен даярданып жаткандыгын кошумчалады.
