Казак президентинин учагы Тамчы айылындагы "Ысык-Көл" эл аралык аэропортуна келип конуп, аны мамлекет башчысы Алмазбек Атамбаев тосуп алды.
Эки өлкөнүн жетекчилери "Рух ордо" маданий борборунан телекөпүрө аркылуу ЕАЭБ алкагында "Ак Жол" көзөмөл өткөрүү жайында кыргыз-казак чек арасындагы бажы көзөмөлүн алып салуу салтанатына күбө болот.
Жумушчу сапардын алкагында эки тараптуу сүйлөшүүлөр жүрөт. Ошондой эле мамлекет башчылары кыргыз-казак кызматташуусу боюнча актуалдуу маселелелерди талкуулайт.
