БИШКЕК, 19-янв. — Sputnik. Быйыл январдын аягы менен Алматыда баштала турган Кышкы Универсиадага Кыргызстандын намысын 10 спортчу коргой турганын Жаштар иши, спорт жана дене тарбия боюнча мамлекеттик агенттик билдирди.
29-январдан 8-февралга чейин өтө турган спорттук иш-чара быйыл 28-жолу 64 мамлекеттин спортчуларын бириктиргени турат.
Мелдеш спорттун 12 түрү боюнча өтөт. Ал эми кыргызстандыктар тоо лыжасы, лыжа жарышы, көркөм муз тебүү жана сноуборд боюнча күч сынашат. Команданын курамы 10 спортчу менен үч машыктыруучудан турат.
