БИШКЕК, 23-окт. — Sputnik. Кыргызстандык жаш спортчулар Лефкош шаарында (Кипр) доктор Фазыл Күчүктүн байгесине уюштурулган жаштар арасындагы эл аралык турнирде 11 медаль алышты. Бул тууралуу Бишкек мэриясынын дене тарбия жана спорт башкармалыгы билдирди.
Мелдеш 20-22-октябрда өтүп, анда 16 жашка чейинкилер күч сынашкан. Он мамлекеттен келген спортчулар биринчилик үчүн ат салышкан. Кыргызстандын атынан 16 спортчу катышкан.
Стол теннисиндеги жуптук оюнда кыздар коло медаль алышкан.
Андан сырткары эркин күрөш боюнча кыргызстандык спортчулар төрт медаль утушкан. Бексултан Абдинасир уулу (50 кг. чейин) жана Эдиль Кадырбек уулу (58 кг. чейин) алтын медаль утушса, Нурхан Жусупов (63 кг. чейин) менен Нуртилек Кадырбаев (69 кг. чейин) коло байгеге татышкан. Ошентип жалпы жыйынтык боюнча кыргызстандык спортчулар 11 медаль алышкан.
