БИШКЕК, 16-окт. — Sputnik. Кыргызстандын кыздар командасы (19 жашка чейин) Ташкентте өтүп жаткан таймашта ирандык атаандаштарынан утулуп калды. Бул тууралуу КРдин Футбол федерациясы билдирди.
12 Тогуздун айы 2016, 00:41
Ишемби күнү эл аралык CAFA Women’s Cup U-19 турнири башталган. Ага Борбордук Азия футбол ассоциациясынын төрт мамлекети — Кыргызстан, Тажикстан, Өзбекстан жана Иран катышып жатат. Алгач алты команданын ойношу пландалган.
Ирандын футболчулары менен болгон беттешүүдө кыргызстандык Айжан Боронбекова пенальтиден жалгыз топ киргизсе, атаандаштар төрт топ киргизип жеңишке жетише алышты.
Турнирдин беттештери айлампа системасы менен өтүп, бардык командалар бири-бири менен ойноп чыгат. Матчтардын баары "Жар" стадионунда өтүүдө.
Кийинки оюнда Кыргызстандын командасы өзбекстандык футболчулар менен беттешет.
