БИШКЕК, 26-сен. — Sputnik. Бишкекте 24-29-октябрда бильярд боюнча (динамикалык пирамида) дүйнөлүк чемпионат өтөрүн КРдин Бильярд федерациясынын өкүлү Константин Коробов Sputnik Кыргызстан маалымат агенттигине билдирди.
"Бул мелдешке 64 бильярдчынын катышуусу күтүлүп жатат, балким алардын саны 128ге чейин жогорулашы мүмкүн. Кыргызстандын атынан сегиз оюнчу катышат. Ошондой эле Ростов-на-Донудагы ири мелдешти уткан Дастан Лепшаков да бар", — дейт Коробов.
Ал өз сөзүндө бул мелдешке Россиянын, Украинанын, Белоруссиянын эң күчтүү спортчулары катышарын баса белгиледи. Кыргызстанда 2012 жана 2014-жылы дүйнөлүк чемпионаттар өткөн.
