ЧОЛПОН-АТА, 6-сен. — Sputnik. 8-сентябрда Кыргызстан жана Казакстан курама командалары көк бөрү боюнча финалдык оюнда беттеше турганын ДКО катчылыгы кабарлады.
Маалыматка ылайык, бүгүн, 6-сентябрь күнү Чолпон-Атадагы ипподромдо көк бөрү боюнча тайпалык этап жыйынтыкталды.
"Мында А тайпасында биринчи орунду Казакстандын курама командасы алды. Экинчи орунду кытай курама командасы багындырды. В тайпасында биринчи орунду Кыргызстан курама командасы ээледи", — деп айтылат маалыматта.
Ал эми эртең, 7-сентябрда А жана В тайпаларында экинчи орунду алган кытай менен башкыртстан командалары үчүнчү орун үчүн беттешет.
