БИШКЕК, 17-авг. — Sputnik. Бүгүн кыргыз элинин үмүтү, балбан кыз Айсулуу Тыныбекова килемге чыгат.
Назарыңыздарга Айсулуу Тыныбекова тууралуу кызыктуу 5 фактыны сунуштайбыз.
1. 23 жаштагы Айсулуу 2014-2015-жылдары Кыргызстандын мыкты спортчусу наамын жеңип алган. Учурда Азия чемпиону.
2. Эркин күрөш менен кокустан эле машыгып калган. Эч даярдыгы жок 10-класстагы кыз Нарындагы турнирге барып калат. Ага карабастан Айсулуу мелдештин финалдык бөлүгүнө чейин жеткен.
3. 19 жашында Лондондогу жайкы Олимпиада оюндарына катышкан.
4. Кесиби боюнча экономист. Исхак Раззаков атындагы Кыргыз мамлекеттик техникалык университетин быйыл бүтүргөн.
5. Америкалык Gracenote аналитикалык компаниянын божомолу боюнча Айсулуу Тынбекова өлкө үчүн коло медаль алып келет. Аталган компания бул пикирди спортчунун акыркы төрт жыл ичиндеги күрөшкөндөрүн анализдеп чыгарган.
