БИШКЕК, 15-авг. — Sputnik. Грек-рим күрөшү боюнча кыргызстандык балбан Мурат Рамонов (130 кг. салмакка чейин) Рио-де-Жанейродогу Олимпиада оюндарында коло медаль алуу укугунан ажырады.
Буга чейинки квалификациялык раундда ал россиялык атаандашынаСергей Семеновго жеңилип калган. Эгерде россиялык балбан финалга чыкса, анын коло медаль үчүн таймашка мүмкүнчүлүгү жаралмак. Бирок, жарым финалда кубалык спортчу, эки жолку олимпиадалык чемпион Михаин Лопес россиялык Семеновду 3:0 эсебинде утуп алды.
Ошентип, Рамонов коло медаль үчүн таймашка чыкпай калып, Кыргызстанга кур кол кайта турган болду.
