БИШКЕК, 16-авг. — Sputnik. Кыргызстандык балбан Жанарбек Кенжеев олимпиадалык оюндардын алкагында квалификациялык раундда утулуп калды.
Кенжеев немис балбаны Денис Кудлага 0:3 эсебинде жеңилип калды. Анткен менен учурда коло медаль үчүн ат салышууга мүмкүнчүлүгү бар.
Буга чейин дагы бир балбан Мурат Рамонов 130 килограммга чейинки салмак категориясында россиялык спортчудан утулуп калган.
Белгилей кетсек, Кыргызстандын куржунунда азырынча бир эле коло медаль бар. Аны оор атлетчи Иззат Артыков жеңип алган.
