БИШКЕК, 8-авг. — Sputnik. Кыргызстандык Дарья Таланова сууда сүзүүнүн брасс түрү боюнча Олимпиадада жарым финалга чыкпай калды. Бул тууралуу Риодогу Олимпиаданын расмий сайты кабарлады.
Кыргызстандын намысын коргоо үчүн 19 спортчу аттанган. Алардын ичинен дзюдо боюнча Отар Бестаев, боксчу Эркин Адылбек уулу жана оор атлетика боюнча Жаныл Окоевалар ийгилик жарата алышкан эмес.
Сууда сүзүүнүн брасс ыкмасы боюнча 100 метрдик аралыкка 44 спортчу күч сынашып, алардын 16сы жарым финалга өтүштү. Ал эми Дарья Таланова 1 мүнөт 10,94 секундда келип, 33-орунду ээледи. Алтынды болсо америкалык спортчу Лилли Кинг тагынды.
