БИШКЕК, 27-июл. — Sputnik. Жайкы олимпиадалык оюндарда Кыргызстандын намысын коргой турган спортчулардын алгачкы тобу Бразилияга учуп кетти. Бул тууралуу Жаштар иши, дене тарбия жана спорт боюнча мамлекеттик агенттиктин маалымат кызматы билдирди.
Алгачкылардан болуп жеңил атлетчилер менен сууда сүзүүчүлөр учушту. Аларды коштоп 1980-жылкы Олимпиадада оор атлетика боюнча чемпион болгон Каныбек Осмоналиев дагы кетти.
Белгилей кетсек, Рио оюндарында Кыргызстандын намысын 19 спортчу спорттун 6 түрү (күрөш, дзюдо, бокс, оор атлетика, сууда сүзүү, жеңил атлетика) боюнча коргойт.
26-июлда спортчуларды Алмазбек Атамбаев да кабыл алып, аларга ийгиликтерди каалаган.
Календарь выступлений спортсменов из КР
