БИШКЕК, 25-июл. — Sputnik. Аргентина курама командасынын капитаны жана "Барса" клубунун чабуулчусу Лионель Месси чачын ак түскө боеду.
Спортчунун жаңы имиджи менен түшкөн сүрөтүн жубайы Антонелла Рокуццо Instagram баракчасына жарыялады.
Мессинин күйөрмандары оюнчунун жаңы чач жасалгасына көнгөнчө Sputnik Кыргызстан агенттиги чачын ак түскө боегон футболчуларды тизмектеп көрдү.
Аарон Рэмси
Уэльс курама командасынын жана "Арсенал" клубунун жарым коргоочусу Аарон Рэмси Евро-2016да чачын ак түскө боеп, күйөрмандарын айран таң кылды эле. Анткен менен жаңы имидж оюнчуга ийгилик алып келип, команда коло медаль утуп алды.
Серхио Рамос
"Реал" футболдук клубунун коргоочусу Серхио Рамос да буга чейин чачын ак түскө боегондугу менен "дүң" эткен. Футболчу бул кадамын ак чачтуу өспүрүмдөрдү колдоо иретинде жасаганын айткан.
Am I the only one here miss those @SergioRamos 's hairstyle? The blonde makes him sexier! 😘 pic.twitter.com/9LLqRmAcrR
— Crissy'sLove (@CristianoYani7) 26 февраля 2015 г.
Хамес Родригес
"Реал" клубунун жарым коргоочусу Хамес Родригес да чачын ак түскө боеп катуу сынга кабылган. Оор сөздөргө чыдай албаган футболчу бир апта ичинде чачынын түсүн өзгөртүп, кутулган.
Самир Насри
"Манчестер Сити" командасынын жарым коргоочусу Самир Насри дагы элден калбай чачын ак түскө боеп, октябрь айында "жалындуу блондин" каймана атка конгон.
Неймар
Футболчулар чачын акка боесо, "Барсанын" чабулчуусу Неймар сакалын ак түскө боеону чечкен. Спортчу бул имиджи менен Санта Клаусту туураганын айткан.
