Балбан Жанарбек Кенжеевге Рио оюндарына катыша турган лицензиясын кайтарып беришти

© AFP / MENAHEM KAHANAКүрөштүн грек-рим түрү боюнча балбаны Жанарбек Кенжеев. Архив
Күрөштүн грек-рим түрү боюнча балбаны Жанарбек Кенжеев. Архив - Sputnik Кыргызстан
Жазылуу
Чечим Күрөш боюнча дүйнөлүк бирикме тарабынан чыгарылды. Спортчу Жанарбек Кенжеев машыгууларын улантып жатат.

БИШКЕК, 11-июл. — Sputnik. Жанарбек Кенжеев Рио-де-Жанейродо өтө турган жайкы олимпиадалык оюндарга болгон жолдомосу кайтарылып берилди. Бул тууралуу маалыматты Sputnik Кыргызстан агенттигине спортчу өзү тастыктады. 

Мындан эки ай илгери майда күрөш боюнча бирикменин чечими менен күрөштүн грек-рим түрү боюнча балбаны Жанарбек Кенжеев олимпиадалык лицензиясынан ажырап калган.

Спортчу Күрөш боюнча дүйнөлүк бирикменин (United World Wrestling) мындай чечимине кубанып жатканын айтты.

"20 жылдан бери даярдык көрүп жүрүп олимпиадага барбай калуу ар бир спортчу үчүн оор болсо керек. Мага лицензияны кайтарып беришкенин угуп абдан кубанып жатам", — деп билдирди Кенжев.

лицензия алган жөө күлүк Юлия Андреева. Архив - Sputnik Кыргызстан
Рио-2016: Кыргызстандын үмүтү — жөө күлүк Юлия Андреева
Ал убагында лицензиядан ажырап калганы менен, машыгууларын токтотпой келгенин айтты.

Ал эми Спорттун Олимпиадалык түрлөрүбоюнча дирекциясынын жетекчиси Төлөсүн Ысыралиев Күрөш боюнча дүйнөлүк бирикмесинин спортчуга жолдомону кайтарып берүү чечимин чыгарганын ырастап, бирок азырынча расмий чечим кагаз түрүндө келе элек экенин билдирди.

"UWW (United World Wrestling) уюмунун мындай чечим чыгаруусуна Улуттук олимпиадалык комитет менен Улуттук күрөш федерациясынын жүргүзгөн сүйлөшүүлөрүнүн натыйжасында келип чыкты десек болот. Аларга улам каттар жөнөтүлүп турган болчу", — деп билдирди Ысыралиев.

Буга чейин балбанга жасалган допинг-тесттин жыйынтыгы спортчунун организминде мельдоний бар экенин көрсөткөн.

Жаңылыктар түрмөгү
0