БИШКЕК, 28-июн. – Sputnik. Аргентина президенти Маурисио Макри телефондон байланышып, футболчу Лионель Мессинин улуттук курама командадан кетпөөгө чакырды. Бул тууралуу ABC News билдирди.
Улуттук команданын капитаны менен болгон сүйлөшүү учурунда президент команда менен сыймыктанарын айтып, Мессиге айтылган сын-пикирге көңүл бурбоого чакырды.
Марадона Испаниянын La Nacion басылмасына берген маегинде "Алтын топтун" 5 жолку ээсин улуттук курама командадан кетпөөгө, Россиядагы 2018-жылы өтө турган дүйнө биринчилигине катышууга чакырды.
Эске сала кетсек, Лионель Месси менен жарым коргоочу Лукас Бильинин пенальтиден жаза тайышы Америка кубогу үчүн ат салышкан Аргентинага бычактай эле тийген. Ушундан улам, көз жашын төккөн футболчу курама командадан кетүү чечимине келген.
