БИШКЕК, 27-июн. — Sputnik. Чили курама командасы финалда Аргентинаны утуп, футбол боюнча Америка Кубогун жеңип алды.
Турнирдин финалдык беттеши АКШда өтүп, командалар негизги жана кошумча убакытта гол киргизе алышкан жок.
Бүйүр кызыткан финалдык оюндун тагдыры пенальти менен Чили командасынын пайдасына чечилди (4:2). Аргентинанын жолу болбой, капитан Лионель Месси менен жарым коргоочу Лукас Бильи пенальтиден жаза тайып, тепкен тобу тескери кетти.
Чили курама командасы ушуну менен аталган кубокту экинчи ирет жеңип алды.
