БИШКЕК, 13-май — Sputnik. Кыргызстандын футбол боюнча курама командасы өзбекстандык атаандаштар менен жолдоштук оюн өткөрө турганын Футбол федерациясы билдирди.
Беттешүү Ташкент шаарында 2-июнда болот.
Аталган оюн Бишкекте өтө турган Кыргызстан — Ливан мелдешинин ордуна өткөнү жатат. Таймаштын мөөнөтү ливан тараптын суранычы менен жылган.
Эскерте кетсек, кыргызстандык команда FIFA рейтингинде 100, ал эми Өзбекстан 66-орунду ээлеп турат.
