"Лестер" эки кылымдан бери алгачкы ирет Англиянын чемпиону болду

© AP Photo / Rui Vieira"Лестер сити" футбол командасы. Архив
Лестер сити футбол командасы. Архив - Sputnik Кыргызстан
Жазылуу
Команда жеңишти мөөнөтүнөн мурда камсыздады.

БИШКЕК, 3-май — Sputnik. "Лестер сити" футбол командасы Англиянын премьер-лигасынын чемпиону болду.

Дем алыш күндөрү Англиянын премьер-лигасынын мелдештери өткөн.

© REUTERS / Eddie Keogh "Лестер сити" футбол командасы Англиянын премьер-лигасынын чемпиону болду.
1/2
"Лестер сити" футбол командасы Англиянын премьер-лигасынын чемпиону болду.
© REUTERS / Jorge SilvaБангкоктогу күйөрмандар
2/2
Бангкоктогу күйөрмандар
1/2
"Лестер сити" футбол командасы Англиянын премьер-лигасынын чемпиону болду.
2/2
Бангкоктогу күйөрмандар

"Лестер" ишемби күнү эле чемпиондукту камсыздамак, бирок "Манчестер Юнайтед" менен болгон беттеш 1:1 эсебинде аяктап жеңишке жетпей калган.

Клаудио Раньеринин оюнчулары "Челси" менен "Тоттенхем" командаларынын беттешин күтүүгө аргасыз болушту. Эгер экинчи орунда келе жаткан "Тоттенхемдин" оюнчулары атаандашын утканда, "Лестер" чемпиондугун кийинки турга чейин күтмөк. Бактыга жараша эки команданын беттеши 2:2 эсебинде аяктаган.

Эми "Лестердин" 77 упайы болсо, "Тоттенхем" 70 упай топтой алды. Эгер "Тоттенхем" командасы алдыдагы эки оюнду утуп, 6 упай топтосо да "Лестерге" жетпейт.

"Лестер" клубу 1884-жылы негизделген. Алар тарыхта биринчи жолу премьер-лиганын чемпиону болушту. Клуб 1920-жылы экинчи орунду камсыздай алган.

Жаңылыктар түрмөгү
0