Кыргызстандык Бегимай Алматыдан көркөм муз тебүү боюнча алтын медалга ээ болду

© Sputnik / Табылды КадырбековКөркөм муз тебүү катышуучусу. Архив
Көркөм муз тебүү катышуучусу. Архив - Sputnik Кыргызстан
Жазылуу
Кыргызстандан барган өспүрүм кыздар таймаштын биринчи жана экинчи орундарын ээлеп, казактар менен өзбектерди ат чабым артка таштады.

БИШКЕК, 27-янв. — Sputnik. Кыргызстандык спортчу Бегимай Рахманова көркөм муз тебүү боюнча Казакстанда өткөн мелдеште алтын медалга ээ болгонун "Замандаш" ассоциациясы билдирди.

Муз аянтын жасаган Молдокмат, уланган шерине жана зуулдаган бөбөктөр
Маалыматка ылайык, өспүрүмдөр арасында уюштурулган ICE TIGER мелдеши Алматы шаарында Hockey world муз айдыңында өттү. Ага Казакстан, Кыргызстан жана Өзбекстандын клубдары менен спорт мектептери катышты. 

Кыргызстандын атынан аталган турнирге "Локомотив" мектебинин 7 тарбиялануучусу барган. Анын ичиндеги Бегимай Рахманова алтын медалга ээ болсо, дагы бир кыргызстандык Зулумбек кызы Мадина күмүш медаль тагынып кайтты.

Кыздардын машыктыруучусу Карина Ураимованын айтымында, Бегимай көркөм муз тебүү менен 2012-жылдан бери алектенип келет.

"Чет мамлекеттерге көп чыктык. Дубай, Шымкент, Новосибирск, Санкт-Петербург шаарларындагы таймаштарга катышып, негизинен коло медаль алып келчүбүз. Бегимай менен Мадина көркөм муз тебүү боюнча кыргызстандык мектептер Казакстан менен Өзбекстандан кем калышпай турганын далилдешти", — деди ал.

Бегимай Рахманова Бишкектин №9 орто мектебинде билим алат.

Жаңылыктар түрмөгү
0