БИШКЕК, 22-янв. — Sputnik. Бишкек шаарынын чет жакасындагы Таш-Төбө айылында лыжа тебүү боюнча ачык мелдеш өтө турганын мэриядан билдиришти.
Маалыматка ылайык, 30-январда өтө турган таймаш үч жаш курак боюнча өтүп, ага 12 жашка чейинки балдар-кыздар, 14-15 жаштагы өспүрүмдөр жана 19 жаштагы уландар катышат.
Иш-чараны Дене тарбия жана спорт комитетинин шаардык башкармалыгы аталган спорт түрү боюнча федерация менен биргеликте уюштурууда.
Жакшы көрсөткүч менен айырмалана алган жаш спортчулар диплом, медаль жана башка баалуу байгелер менен сыйланат.
