Бүгүн Кыргызстандын футбол командасы Иордания менен беттешет

© пресс-служба ФФКРКыргызстан - Иордания футбол беттешүүсү. Архив
Кыргызстан - Иордания футбол беттешүүсү. Архив - Sputnik Кыргызстан
Жазылуу
Быйыл Амманда өткөн эки команданын беттешүүсү 0:0 эсеби менен аяктаган.

БИШКЕК, 17-ноя. — Sputnik. Кыргызстан менен Иорданиянын футбол командаларынын беттешүүсү бүгүн Бишкекте өтөт.

2018-жылы өтө турган Дүйнө чемпионатынын тандоо турунун алкагындагы беттешүү Дөлөн Өмүрзаков атындагы стадиондо саат 20.00дө болот.

Арбитр. Архив - Sputnik Кыргызстан
Кыргызстан — Иордания беттешүүсүн түркмөнстандык арбитр тейлейт
Учурда Иордания "В" тайпасында 13 упай менен алдыда келе жатат. Экинчи орунда 12 упай топтогон Австралия турат. Бул эки команда Дүйнө чемпионатынын финалдык бөлүгүнө катышуу укугу үчүн тайпадагы биринчиликке аты салышат. Кыргызстандыктар 8 упай менен үчүнчү орунда. Төртүнчү жана бешинчи орунду Тажикстан (5 упай) менен Бангладештин (1 упай) командалары ээлеген.

Кыргызстан менен Иордания командалары буга чейин да кездешкен. Сентябрда борбор калаа Амманда өткөн беттешүү 0:0 эсеби менен аяктаган.

Дүйнө чемпионатына катышуу үчүн улуттук команданын мүмкүнчүлүгү калбай калганы менен 2019-жылы Бириккен Араб Эмирлигинде өтүүчү Азия чемпионатына катышууга аракет кылса болот.

Жаңылыктар түрмөгү
0