Кыргызстандык сууда сүзүүчүлөр Дубайда эл аралык турнирге катышат

© Sputnik / Александр Вильф / Медиабанкка өтүүСууда сүзүү. Архив
Сууда сүзүү. Архив - Sputnik Кыргызстан
Жазылуу
Сууда сүзүү боюнча Кыргызстандын курама командасынын мүчөлөрү Станислав Карнаухов менен Рамазан Тайматов Дубайда өтө турчу эл аралык турнирге катышат.

БИШКЕК, 31-мар. — Sputnik. Кыргызстандык сууда сүзүүчүлөр Дубайда өтө турчу эл аралык турнирге катыша турганын Дене тарбия жана спорт боюнча мамлекеттин агенттиктин маалымат кызматы билдирди.

Эл аралык турнир 31-марттан 5-апрелге чейин Бириккен араб эмирлигинин Дубай шаарында өтөт.

Спортчулардын мелдешке катышуусу үчүн КР курама командаларын Олимпиадага даярдоо борборунун бюджетинен 228 миң сом бөлүнгөн.

Бул турнирге Кыргызстандын атынан 1996-жылы туулган эл аралык класстагы спорттун мастери Станислав Карнаухов жана 1998-жылы туулган спорттун чебери Рамазан Тайматов катышат.

Аларды башкы машыктыруучу Евгений Петрашов жетектеп барат.

Жаңылыктар түрмөгү
0