Boeing-747 учагынын кара ящигине доо кеткендиктен ал Москвада да окулбашы мүмкүн

© AP Photo / Vladimir VoroninСотрудники МЧС на месте авиакрушения самолета Boeing-747 в Дача-Суу недалеко от аэропорта "Манас"
Сотрудники МЧС на месте авиакрушения самолета Boeing-747 в Дача-Суу недалеко от аэропорта Манас - Sputnik Кыргызстан
Жазылуу
16-январда аталган учак "Манас" аэропортуна жакын жердеги Дача айылына кулап түшкөн. Кырсыкты Мамлекеттер аралык комитети (МАК) иликтеп жатат.

БИШКЕК, 19-янв. — Sputnik. Кулап түшкөн Boeing – 747 учагынын кара ящиги жабыркаганын Транспорт жана жолдор министри Жамшитбек Калилов Sputnik Кыргызстан агенттигине билдирди.

Президента Кыргызской Республики Алмазбек Атамбаев - Sputnik Кыргызстан
Атамбаев: кыйын кырдаалда ынтымагыбыз бекем экендиги далилденди
Калилов авиакырсыкты иликтөө үчүн түзүлгөн өкмөттүк комиссиянын төрага орун басары болгон. 

Эске салсак, 16-январда эртең менен Дача айылына жүк ташуучу Boeing – 747 учагы кулап түшүп, 38 кишинин өмүрүн алган. Анын ичинде экипаждын төрт мүчөсү дагы бар.

Кырсыктын чоо-жайын Мамлекеттер аралык комитет (МАК) иликтейт.

"Кечээ эки кара ящик МАКка берилип, бүгүн Москвага жөнөтүлдү. Ал качан чечмеленери белгисиз. Үн жаздыргыч бир аз жабыркап, күйүп дагы кеткен. Ал такыр эле окулбай калат деген коркунуч жок болгону менен кооптонуу бар. Эгер аны Москвадан чечмелей алышпаса, Францияга же АКШга жиберебиз", — деди ал.

Калиловдун айтымында, Мамлекеттер аралык комитеттин адистери үч топко бөлүндү. Биринчиси кырсык болгон жерде иштеп жатат, экинчиси учуп-конуу тилкесин карап жатса, үчүнчү топ "Кыргызаэронавигациясы" менен биргеликте иш алып барууда. 

Жаңылыктар түрмөгү
0