МАК Бишкектеги Boeing 747 кулаган жерде иликтөө ишин баштады

© Sputnik / Табылды КадырбековBoeing 747 учагы кулаган жердеги издөө иштери
Boeing 747 учагы кулаган жердеги издөө иштери - Sputnik Кыргызстан
Жазылуу
Авиакырсыкты иликтөө менен Мамлекеттер аралык авиация комитетинин комиссиясы алектенет. Комиссия башчысы буга чейин 2008-жылы Бишкекте болуп, бир канча адам өмүрүн алган башка дагы авиакырсыкты иликтеген.

БИШКЕК, 18-янв. — Sputnik. КМШнын Мамлекеттер аралык авиация комитетинин комиссиясы Boeing 747 учагы кулаган жерди изилдей баштады. Бул туурасында өкмөт башчынын маалымат катчысы Чыңгыз Эсенгулов билдирди.

ӨКМдин маалыматына караганда куткаруучулар учак кыйратып кеткен урандылардын алдынан адамдардын сөөктөрүн алып чыгып бүтүштү

"Комиссия кечээ учуп келген, эртең менентен тарта кырсык болгон жерде иштеп жатат. Менимче, бир-эки күндөн кийин иликтөөнүн жыйынтыгы чыгып калат", — деди Эсенгулов.

Кулаган учактын жерге сүрүлгөн изи — асмандан көрүнүш - Sputnik Кыргызстан
Кулаган учактын жерге сүрүлгөн изи — асмандан көрүнүшү
2017-жылдын 16-январында Гонконгдон Стамбулду көздөй келе жатып, Бишкектен май куюу үчүн "Манас" аэропортуна токтомок болгон Boeing-747 учагы Дача айылынын үстүнө саат таңкы 7:18де кулаган. Кырсыктан 38 кишинин көз жууп, 16 киши жабыркаган. 17-январь Кыргызстанда аза күнү деп жарыяланган. 

Кырсыкты КМШнын мамлекеттер аралык авиация комитетинин адистери иликтеп баштады. Комиссия төрагасы Леонид Каширский 2008-жылы Бишкекте болуп, бир канча адам өмүрүн алган башка дагы авиакырсыкты иликтеген. Каргашадан 64 адам, анын ичинен эл аралык турнирге кетип бара жаткан жаш баскетболчулар да каза тапкан.

Жаңылыктар түрмөгү
0