Учак кырсыгын иликтөө үчүн өкмөттүк комиссия түзүлдү

Жазылуу
Сооронбай Жээнбековдун жарлыгына ылайык, аны биринчи вице-премьер Мухамметкалый Абулгазиев жетектемей болду.

БИШКЕК, 16-янв. — Sputnik. "Манас" аэропортунун жака белиндеги кырсыкты иликтөө үчүн атайын өкмөттүк комиссия түзүлдү. Бул тууралуу өкмөттүн маалымат кызматы билдирди. 

Дача-Суу айылы: учак кулаган жерден тартылган алгачкы видео - Sputnik Кыргызстан
Дача-Суу айылы: учак кулаган жерден тартылган алгачкы видео
Эскерте кетсек, бүгүн эртең менен Гонконг — Стамбул каттамы менен келе жаткан Boeing – 747 жүк ташуучу учагы "Манас" аэропортуна жакын Дача-Суу айылына кулап түшкөн. Учак Бишкекке май куюу үчүн конмок.

Өкмөт башчы Сооронбай Жээнбековдун жарлыгына ылайык, комиссияны биринчи вице-премьер Мухамметкалый Абулгазиев жетектеп, комиссия кырсыктын келип чыгуу себептерин жана кесепеттерин иликтейт. 

Аталган комиссияга өзгөчө кырдаалдар министри Кубатбек Боронов, транспорт жана жолдор министри Жамшитбек Калилов, саламаттык сактоо министри Талантбек Батыралиев, тышкы иштер министри Эрлан Абдылдаев, ички иштер министри Улан Исраилов, УКМК жетекчиси Абдиль Сегизбаев жана өкмөттүн Чүй облусундагы өкүлү Бактыбек Кудайбергенов кирди.

Учактын кыйрашына байланыштуу бардык маалыматтардын топтомун бул жактан окуңуздар> 

Жаңылыктар түрмөгү
0