Алтынай Жайнакова: милиция кызматкерлери мени шылдыңга алып кордошту

© SputnikМас абалында милиция кызматкеринин чекесин жара тепти делген ырчы кыз Алтынай Жайнакованын архивдик сүрөтү
Мас абалында милиция кызматкеринин чекесин жара тепти делген ырчы кыз Алтынай Жайнакованын архивдик сүрөтү - Sputnik Кыргызстан
Жазылуу
Милиция кызматкеринин кашын жара тепти делип, бир күн ичинде интернет жылдызына айланган ырчы Алтынай Жайнакова окуянын кандайча болгондугун баяндап берди.

БИШКЕК, 15-янв. — Sputnik. Мас абалында милиция кызматкеринин чекесин жара тепти делген ырчы кыз Алтынай Жайнакова милиция кызматкерлери аны койдой кордогондугун Sputnik Кыргызстан агенттигине билдирди. 

Случаи женской драки - Sputnik Кыргызстан
Бишкекте аялдар чачташкан эки учур катталды
Эскерте кетсек, 13-январга караган түнү саат 02.10дор чамасында Ош шаарынын Кайгуул милициясы шаардын Масалиев жана Абдыкадыров кѳчѳлѳрүнүн кесилишинде Honda Accord үлгүсүндѳгү автомашинаны алыскы чырактарын жандырып келе жаткан учурда токтоткон. Окуядан чыр чыгып, айдоочу кыз милиция кызматкеринин кашын жара тепкендиги айтылууда. 

Анткен менен Алтынай Жайнакова окуя башкача болгондугун айтып Sputnik Кыргызстан агенттигине өзүнүн версиясын баяндап берди. 

"Жөн жерден токтотушту"

— Эч кандай мыйзам бузбай эле бара жаткам. Анан жанымдан Кайгуул милициясынын унаасы өтүп кетти. Көп узабай мени башка Кайгуул милициясы токтоткондо биринчи көргөн милиция кызматкерлери келип калышты. Тереземди түшүрүп, сүйлөшкөнчө унаамдын ачкычын алып коюшту. Унаа ошол учурда жолдун ортосунда токтоп турган эле. Ачкычты бергиле, унаадан документтеримди алып берейин десем 6-7 милиция мени мазакташты. Анан мен Кылыч Жолдошевге чалам дегенде коркуп кетиштиби, айтор, журналисттерди чакырып жиберишти. 

© Фото / предоставлено Алтынай ЖайнаковойАлтынай Жайнакова: караңгы жактан мени кой жүктөгөндөй жүктөштү. Анан "буттарымды караба" деп каршылык көрсөтүп жатканымда бутум кашына тийип кетти
Певица Алтынай Жайнакова - Sputnik Кыргызстан
Алтынай Жайнакова: караңгы жактан мени кой жүктөгөндөй жүктөштү. Анан "буттарымды караба" деп каршылык көрсөтүп жатканымда бутум кашына тийип кетти

"Кашы жарылган милиция кызматкеринен кечирим сурадым"

— Караңгы жактан мени кой жүктөгөндөй жүктөштү. Анан "буттарымды караба" деп каршылык көрсөтүп жатканымда бутум кашына тийип кетти. Эгер ал түз отурса бутум кашына жетмек эмес да. Ал менин үстүмөн арыз жазып, учурда маселе каралууда. Мен болсо байкеден кечирим сурап, дары дармектерин алып берейин дедим. Бирок ал жанындагы кесиптеши менен мени шылдыңдап туруп алды. 

"Кылыч Жолдошевди тааныбайм"

— Негизи мен Кылыч Жолдошев менен тааныштыгым жок. Аны көргөн да эмесмин. Атын атасам коркуп кетеби деген ой менен гана айткам. Учурда ал кишиден кечирим сураган кайрылуу жөнөттүм.

"Мен соо болчумун"

Бетин жаап турган кыз. Архив - Sputnik Кыргызстан
ТИМ: Түркияда сабалган кыргыз кызы тууралуу маалымат такталып жатат
— Журналисттерден сурансам болбой видеого тартышты. Мен жакшы ой менен визиткамды сунгам. Алар болбой тартып турушту. Негизи ичкен эмесмин, нервденип эмоцияга алдырып жибердим. Алар өздөрүнчө ичкен деп чыгарып коюшту. Буга чейин туулган күндөрдө ичимдик ичип койчумун. Бирок көп эмес. Бул окуя мага чоң таасир тийгизди. 

"Видео атайын кыскартылып чыгарылган"

— Интернетке жарыяланган видео кыскартылып кетиптир. Дем ала албай, жардам сураган жерлеримди кесип салышыптыр. Милиция кызматкерлери мага карата күч колдонду деп арыз жазгам. Бирок каралбай калды. Учурда ата-энем, жакындарым колдоп жардам көрсөтүп жатат. Окуя мага чоң сабак болду.

Жаңылыктар түрмөгү
0