Латыш келин Анастасия: Ат-Башыга барып уй саап, нан жапканды үйрөндүм
Латыш келин Анастасия: Ат-Башыга барып уй саап, нан жапканды үйрөндүм
Sputnik Кыргызстан
Айылдын таза абасы менен тынч жашоосуна суктанган латыш келин кыргыз элинин салт-санаасын өздөштүргөн сайын Кыргызстанга болгон сүйүүсү күчөп жатканын... 27.12.2016, Sputnik Кыргызстан
Айылдын таза абасы менен тынч жашоосуна суктанган латыш келин кыргыз элинин салт-санаасын өздөштүргөн сайын Кыргызстанга болгон сүйүүсү күчөп жатканын билдирди.
БИШКЕК, 27-дек. — Sputnik. Латыш келин Анастасия жакында эле Нарын облусунун Ат-Башы районунун Кара-Булуң айылындагы кайын журтуна барып келиндик кызматын өтөп келди. Бул тууралуу Анастасия Sputnik Кыргызстан агенттигинин кабарчысына өзү билдирди.
Буга чейин Англияда өсүп чоңойгон латыш кызы Анастасия кыргызга келин болуп, салт-санааны чекесинен үйрөнүп баштаганы тууралуу жазганбыз.
Айылдын таза абасы менен тынч жашоосуна суктанган латыш келин кыргыз элинин салт-санаасын өздөштүргөн сайын Кыргызстанга болгон сүйүүсү күчөп жатканын билдирди.
"Жолдошум Уларбектин улуу байкеси Ат-Башыда жашайт. Тамак жасап, конок тосконду үйрөнүү үчүн бир жумага барып келдим. Ал жак кооз дегенинен өзүм дагы баргым келип, суукка карабай сапар алдык. Жаратылыштын кооздугун сүрөттөп берүүгө сөз жетпейт. Мага бийик тоолор, таза аба, мемиреген тынчтык абдан жакты. Оюма койсо биротоло калат элем (күлүп). Эми кайра жайында барабыз го", — деди Анастасия.
Айылдын таза абасы менен тынч жашоосуна суктанган латыш келин кыргыз элинин салт-санаасын өздөштүргөн сайын Кыргызстанга болгон сүйүүсү күчөп жатканын билдирди
Айылдын таза абасы менен тынч жашоосуна суктанган латыш келин кыргыз элинин салт-санаасын өздөштүргөн сайын Кыргызстанга болгон сүйүүсү күчөп жатканын билдирди
Ал эми латыш келиндин жолдошу Уларбек жубайы туугандарына абдан жакканын кошумчалады.
Латыш келин кыштын ызгаар суугуна карабай уй саап, жарма жасаганды үйрөнгөн.
"Улуу жеңеме конок тосушуп, чай куюп элге сунганды үйрөндүм. Ошондой эле колго нан жаап, жолдошумдун сүйүктүү суусундугу болгон жарманы жасадым. Уй сааганды да бир аз үйрөнүп калдым. Башында сааган сүтүм чаканын түбүндө эле калып жатса, эми кичинеден көбөйө баштады. Алгач уйдан абдан корктум, бирок бат эле достошуп алдык", — деди Анастасия.
Ал эми латыш келиндин жолдошу Уларбек жубайы туугандарына абдан жакканын кошумчалады.
